റിയലിസ്റ്റിക് സിനിമകൾ- ശുദ്ധ തട്ടിപ്പ്

-
"ഇന്ന് മലയാളസിനിമ റിയലിസത്തിനുപിന്നാലെയുള്ള ഓട്ടത്തിലാണ്. റിയലിസ്റ്റിക് സിനിമകൾ എന്നുപറയുന്നതുതന്നെ തട്ടിപ്പാണ്. സിനിമ പക്ക റിയലിസ്റ്റിക്കായാൽ ഡോക്യുമെന്ററിയായിപ്പോകും. റിയലിസ്റ്റിക്കാണെന്ന് തോന്നിപ്പിക്കുന്ന അഭിനയവും അവതരണവുമാണ് ഇന്ന് മലയാളസിനിമയിൽ കാണുന്നത്. നാച്വറൽ സിനിമയായി ആഘോഷിച്ച മഹേഷിന്റെ പ്രതികാരത്തിൽപോലും ഭയങ്കര ഡ്രാമയുണ്ട്. ഇന്നത്തെ സിനിമയുടെ സീനുകളുടെയും കഥാപാത്രങ്ങളുടെയും ഘടനയിൽ ചില മാറ്റങ്ങൾ വന്നിട്ടുണ്ട്."
മാതൃഭൂമിക്ക് സംവിധയകാൻ ലാൽജോസ് നൽകിയ അഭിമുഖത്തിൽ പറഞ്ഞിരിക്കുന്ന കാര്യങ്ങളാണിവ.  റിയലിസ്റ്റിക് സിനിമകൾ വലിയ വിജയം നേടുന്ന കാലത്തിലും  ഈ പറച്ചിൽ നിലവിളിയാണെന്നൊക്കെയുള്ള അഭിപ്രായങ്ങൾ കണ്ടു. തുടർന്ന് ദിലീപ് മാതൃഭൂമിക്ക് തന്നെ നൽകിയ മറ്റൊരു അഭിമുഖഭാഗമാണ് ഫോട്ടോയിൽ.   ഇവരീ പറയുന്നതിനെയൊക്കെ നിലവിളിയായിട്ട് കാണാൻ പറ്റുമോ?.  ശ്യംപുഷ്കരൻ പറഞ്ഞത് പോലെ ഗോഡ് ഫാദറിൽ എന്റെ മക്കൾ ഇനി പെണ്ണ് കേട്ടില്ലെന്ന് ശപഥമെടുക്കുന്ന അഞ്ഞൂറാന്റെ കഥ നാടകീയവും പ്രതികാരം ചെയ്യാതെ ചെരുപ്പിടില്ലെന്ന് ശപഥമെടുക്കുന്ന മഹേഷിന്റെ കഥ റിയലിസ്റ്റിക് ആകുന്നതുമെങ്ങനെ എന്ന് ചിന്തിച്ചാൽ മനസ്സിലാവുന്നതേയുള്ളു ഈ തട്ടിപ്പ്.  ഈ റിയലിസ്റ്റിക് എന്നൊക്ക നമ്മൾ ചുമ്മാ വിളിച്ചു പറയുന്നതാണെന്നേ.. കുറച്ചൊക്കെ ഡ്രാമ ഇല്ലാതെ പോയാൽ ഇവയൊക്കെ ഡോക്യൂമെന്ററി ആയി പോകില്ലേ?

Comments

Post a Comment

Popular posts from this blog

അഗർത്ത

-
Image
​നിസാർ ഇൽത്തുമിഷിന്റെ 'അഗർത്ത' എന്ന നോവൽ വായിച്ചപ്പോഴാണ് അങ്ങനെയൊരു മിത്തിക്കൽ പ്രദേശത്തെക്കുറിച്ച് ആദ്യമായി അറിയുന്നത്. ലോകത്തിലെ പല മിത്തുകളിലും പല രൂപത്തിൽ അവതരിപ്പിക്കപ്പെട്ടിട്ടുള്ള ഒരു അതീന്ദ്രിയ സ്ഥലം. ഭൂമിയുടെ ഉള്ളറയിൽ വിവേകശാലികളും ധർമ്മിഷ്ടരായവരും മാത്രം വാഴുന്നയിടം. അതിനൂതനമായ സാങ്കേതിക വിദ്യയാൽ നിറഞ്ഞൊരിടം. ഇങ്ങനെ പലതരത്തിൽ വ്യാഖ്യാനിക്കപ്പെടുന്ന സ്ഥലമാണ് അഗർത്ത. ​അത്തരമൊരു സാങ്കൽപ്പിക പ്രദേശത്തേക്ക് എത്തിച്ചേരുവാൻ സൂഫിയായും ആഘോരിയായുമൊക്കെ മാറി, സ്വയം കണ്ടെത്തലിന്റെ യാത്രയുമായി പോവുന്ന നൂറുൽ മുനീറുൽ പൂർണ്ണാനന്ദയുടെ കഥയാണ് നോവൽ പറയുന്നത്. ​എന്നാൽ അഗർത്തയെ വെറുമൊരു ഫാന്റസി ലോകം എന്നതിനപ്പുറം, ഒരു Self-Actualization point ആയി വായിക്കാനാണ് ഞാൻ ശ്രമിച്ചത്. സമൂഹം ഇന്നോളം സമാഹരിച്ചിട്ടുള്ള മൂല്യങ്ങളുടെയും വ്യവസ്ഥകളുടെയും നിയമങ്ങളുടെയും ഒക്കെ ഒരുൽപ്പന്നം തന്നെയാണ് മനുഷ്യൻ. അതുകൊണ്ട് തന്നെ, നമ്മെ നിർമ്മിച്ച ഈ സമൂഹത്തിൽ നിന്ന് പൂർണ്ണമായി മാറിനിന്നുകൊണ്ട് മാത്രം ആത്മസാക്ഷാത്കാരം നേടാൻ കഴിഞ്ഞെന്നു വരില്ല. ​ലോകത്തിലെ ഒന്നിനും നമ്മളെ അടിമപ്പെടുത്താൻ വിട്ടുകൊടുക്കാതിരിക്കുകയാണ് ...
Read more

THE PLATFORM

-
Image
 #The_Platform ലംബാകൃതിയിലുള്ള നിരവധി നിലകൾ ഉള്ളയൊരു  തടവറ. ഓരോ നിലയിലും രണ്ടു തടവുകാർ.  സമയക്രമം അനുസരിച്ചു താഴേക്കും മുകളിലേക്കും സഞ്ചരിക്കുന്ന തീൻ മേശ.  ഈ അവസ്ഥയിൽ നിന്ന് അതിജീവിച്ച് ഭരണ വർഗ്ഗവുമായി  മുൻ നിശ്ചയിച്ച പ്രകാരമുള്ള  ആവശ്യങ്ങൾ നേടുകയെന്നതാണ്  തടവുകാരുടെ ലക്ഷ്യം.  "മൂന്നു തരം ആൾക്കാരാണുള്ളത്... മുകളിലത്തെ നിലയിലുള്ളവർ....താഴത്തെ നിലയിൽ ഉള്ളവർ..  പിന്നെ വീണു പോകുന്നവരും" എന്ന സംഭാഷണത്തോടെ തുടങ്ങുന്ന  സിനിമ,  വർഗ്ഗ സമൂഹം രൂപപ്പെട്ട കാലം മുതൽ സാമൂഹ്യ ജീവിതത്തിന്റെ സർവ്വവിധവിതാനങ്ങളിലും അസമത്വത്തിന്റെ അതിസങ്കീർണ്ണമായ അടിവേരുകളും പടർന്നു കയറിയിരുന്നു എന്ന അടയാളപ്പെടുത്തലാണ് The Platform എന്ന സ്പാനിഷ് സിനിമ നൽകുന്നത്.   ലംബാകൃതിയിൽ,  നിരവധി നിലകളിൽ പണിതിരിക്കുന്ന ആ  തടവറയിൽ നാല്പത്തിയെട്ടാം  നിലയിൽ നിന്നുകൊണ്ട് Goreng കാണുന്നത് ആകാശം മുട്ടുന്നതും അന്തമില്ലാത്തതുമായ അസമത്വങ്ങളെ തന്നെയാണ്.  മുകളിലുള്ളവരും താഴെയുള്ളവരും തമ്മിലുള്ള നൈസർഗ്ഗിക ഐക്യപ്പെടാൽ സ്വപ്നം കാണുന്ന, താഴെത്തെ നിലയിലുള്ളവരുടെ ഭക്ഷണ...
Read more

ബിരിയാണി

-
Image
  #ബിരിയാണി  സ്ത്രീ-പുരുഷ ലൈംഗികതയുടെ രണ്ടടരുകൾക്കിടയിലാണ് ബിരിയാണി എന്ന സിനിമ അതിന്റെ കഥപറയുന്നത്. കിടപ്പറയിൽ ഖദീജ നേരിടുന്ന അവഹേളനത്തെയും അപമാനത്തെയും  ഏറ്റവുമാദ്യം സിനിമ കാണിക്കുന്നുണ്ട്.  നൂറ്റാണ്ടുകളായി പുരുഷാധിപത്യം,  സ്ത്രീ ലൈംഗികതയെ നിയന്ത്രിച്ചുകൊണ്ട്  നിർണ്ണയിച്ചുവരുന്ന സ്ത്രീധർമ്മങ്ങൾ മാത്രം കാണുവാൻ ഇഷ്ടപ്പെടുന്ന,  'സ്ത്രീയെ തളയ്ക്കുവാൻ' മതത്തെ കൂട്ടുപിടിക്കുന്ന ഖദീജയുടെ ഭർത്താവ് സിനിമ സംവദിക്കുന്ന സമൂഹത്തിലെ പുരുഷന്മാരുടെ ആകെത്തുകയാണ്.     മതാനുഷ്ഠാനങ്ങളിലെ ദുഷിച്ച ശീലങ്ങളെയും അതിന്റെ നിസ്സാരതകളെയും ശക്തമായി സ്പർശിച്ചും ആഘാതമേല്പിച്ചുകൊണ്ടുമാണ് സിനിമ മുന്നേറുന്നത്.  സഹോദരന്റെ തീവ്രവാദബന്ധംമൂലം നാട്ടിൽ നിന്നും മാറിനിൽക്കേണ്ടി വരുന്ന ഖദീജ, എക്കാലത്തും മതവും രാഷ്ട്രീയവും കൃത്യമായ കള്ളികളിലൊതുക്കി നിയന്ത്രിച്ചുവരുന്ന സ്ത്രീ ജീവിതങ്ങളെ തന്നെയാണ് അടയാളപ്പെടുത്തുന്നത്. മത തീവ്രവാദത്തെയും അതിന്റെ മൂലകാരണങ്ങളെയും ചിലയിടങ്ങളിൽ ചാനൽ ചർച്ചകളുടെ രൂപത്തിൽ പ്രേഷകരിലെത്തിച്ചുകൊണ്ട് സിനിമ മൃദുവായി സ്പർശിച്ചു പോകുന്നുണ്ട്.    ഉമ...
Read more